2015-ին ձեզ ավելի մոտ լինելու համար մենք օնլայնը համադրեցինք օֆլայնի հետ:

Գլոբբինգի ստեղծման առաջին իսկ օրվանից Մաշտոցի 43 հասցեում գործում է ՀՀ-ում առաջին օնլայն շոփինգ սրահը, որը տոտալ հեղափոխություն ու նորարարություն էր ոլորտում։ Մինչև այժմ շատերը հենց Մաշտոցի սրահով են հիշում այն ժամանակահատվածը, երբ Գլոբբինգը ստեղծվեց ու փոխեց հարյուր հազարավոր մարդկանց գնումների մշակույթը մեկ անգամ և ընդմիշտ։

Մեր գործունեության հինգ տարիների ընթացքում մենք չդադարեցինք ձգտել առաջարկել Ձեզ լավագույնը և ստեղծեցինք 5 սպասարկման սրահ և, ուշադրություն, 120+ ստացման կետ և լոքեր։

Ինչը բիզնեսում հաճախ անվանում են սոցիալական պատասխանատվություն, մենք կոչում ենք սեր․ սեր մեր երկրի, մեր քաղաքների, մեր հաճախորդների ու մեր երազանքների հանդեպ։ Գլոբբինգի համար շարժիչ ուժ է այն, որ, փոխելով մշակույթը, մենք նպաստում ենք մեր երկրի, տնտեսության զարգացմանը, մեր երկրի հայտնի դառնալուն, հայ մտքի հաղթանակներին։

Հենց այս սերն է, որ մեզ դրդեց սկսել նմանը չունեցող մի նախաձեռնություն, որն իր տեսակի մեջ մշակութային հեղափոխություն կլինի, սակայն այս անգամ ոչ միայն գնումների, այլև՝ արվեստի։
Գլոբբինգ «Կինո Նաիրի»

Շատ շուտով կինո «Նաիրի»-ի շենքում (Մաշտոցի 50) կբացվի տարածաշրջանում նմանը չունեցող, ֆուտուրիստական լուծումներով, գերժամանակակից Գլոբբինգ սրահը, ուշադրություն` ամբողջովին պահպանելով շենքի ներքին և արտաքին ճարտարապետությունը, հնարավորինս հեռացնելով շենքի գովազդային պաստառներն ու հետևելով և թարմացնելով բոլորի կողմից այնքան սիրված կինո «Նաիրիի» շենքը՝ իր լավագույն ավանդույթներով։
Բոլոր մանրամասները՝ շուտով։ Շնորհակալ ենք բոլորիդ և յուրաքանչյուրիդ՝ ձեր և մեր երազանքներին հավատալու համար։ Մենք ձեզ շաաաատ ենք սիրում։